المشاركات
ناس وناس 4 ......بقلم الشاعر / أبو يوسف محمـــد
ناس وناس 4
:::::::::::::
:::::::::::::
ناس وناس
والناس من الناس
وناس دفا وناس احساس
وناس بتراعى شعور الناس
وناس مش ناس
وعايشة الحياة وخلاص
وناس كل يوم تحلى
وناس كل يوم تعلى
وناس غالية للعيون كحلة
وناس سافلة
ليل نهار ف الوحلة
وناس وشوشها كيف البدر
جميل ومدور
ناس صورتها فوق ف السما
جنب النجوم بتنور
وناس عايشة
وناس مش عايشة
ع الذكريات بتدور
وناس ع الفاضى
وناس عايشة الحياة ماضى
وناس راضية والدنيا معانداها
والبخت كمان مش راضى
وناس تحلم تعيش بكرة
وناس تحب الناس
وناس تكره
وناس أزهار وناس أنوار
وناس مرة الحياة معاها
كيف الصبار
وناس مساكين وناس بتعين
وتساعد كل يوم ناس
وناس ملايكة وناس شياطين
بتخدع كل يوم ناس
وناس أصول
لا تفرط ولا تسيب
ومهما تشوف العيبة
ما تعيب
وناس عيابة
ع الحلوة والوحشة بتعيب
وناس مكسورة لكن جواها
جميل طيب
وناس عبيد مالها
وناس عبيد حالها
والدنيا سرقاها
وناس عبيد شهوتها
والشهوة للضياع وخداها
وناس عبيد دنيتها
والدنيا بوداع سيباها
وسايبة ... أعز الناس
وناس وناس
بقلم الشاعر أبو يوسف محمد
بقلم الشاعر أبو يوسف محمد
الاشتراك في:
تعليقات الرسالة
(
Atom
)
ليست هناك تعليقات :
إرسال تعليق