المشاركات
الكون موحش بقلم امير العذاب
الكون موحش والزمن فاقد إحساس..
والهم ينســج مــن خيالـــــــي قصيده..
أكتب همومــــــي بالقلم فوق قرطاس..
وأرسم معاناة الجـــــــــروح الجديده..
القلب وش خلاه مخنـــــــوق الأنفاس..
بين الضلـوع العوج ينـــــــزف وريده..
الا الفــراق وغـــــربة النــــاس للناس..
وبعض السوالــــــف والعلوم المكيد
ياقلــب لاتحــــــــزن ولا يغلبك ياس..
إرتاح و إستبشــــــــر بلحظه سعيده..
أقولها ياقـــــلب لا بـــــــــاس لا باس ..
لاتقهرك ســـــــود الليالـــــي العنيده ..
إللي ذكر طيبي على العيـــن والراس..
وإللي تجاهلني تجاهلـــــــت سيــــــده..
ماهمني من باعنـــــــــي دون مقيــــاس..
عزيت نفســـي والأمانـــــــــي بعيده ..
أنا كذا طبعــــي مع كــل الأجنــــاس ..
القلب عزيتــــــــه و شديــــت قيـــــــده ..
حوله من الأضــــــــلاع حطيت حراس..
تحميه من غدر الليالـــــــــي الشديده..
إللي يذوق الغدر صافــــي من الكاس..
لابــــد يتعلم و علمــــــه يفيـــــــــده ..
ضويت لي في ســــود الأيام نبراس..
يهدي حياتي للــــــدروب الرشيده ..
محشوم فكري عن تفاكيــــر الأدناس..
نفسي عن الهفوات دايـــم زهيـــــــده..
وإللي يحاول يسرق اللولو والألمـــــــاس..
ماطالته عينه ولا طالــــــته إيـــــــــده ..
يبطي ويشهر للبشر ذل الأفـــــــــلاس..
لابدد أمواله بيفلـــــــس رصيـــــــــده ..
ماكل صيد يجيبه الحــــر قرنــــــــاس ..
يموت بالرمضا ولاهـــــــو يصيـــــــــده ..
وإللي يحاول يكسر الراس بالفـــــــــاس..
مثل الذي بيده يكســــر حديـــــــــده ..
كتبتها جمله أنا بيـــــن الأقـــــــــواس ..
(لاتقرب النيران جسمك تبيـــــــــده)..ف
أعوذ بالرحمن من كـــل خنـــــــــاس ..
من الوساوس والحياة البليـــــــــده ..
ياوجد حالي كل ماهب نسنـــــــــاس ..
سافرت بافكاري لدنيــــا بعيـــــــــده ..
أتذكر إللي غاب من خيرة النـــــــاس..
إللي وصوفه في خيالي فريـــــــــــده..
محشوم وافي طيب العرق والســــاس..
بين البشرمافيه شخص نديــــده ..
نسله من الأحرار والعرق دســـــــاسف..
غيب عن عيوني بساعــــه نكيـــــــــده ..
الله يكسي جسمه الغض بلبـــــــــاس..
من سندس الفردوس حله جديـــــــده..
بصبر على فرقاه والقلب حســـــــــاس..
حياتنا ماجت علــــــى ما نريـــــــــده ..
هذي النهاية تنكتب فوق قرطـــــاس..
أرسلتها عبر الأثيـــــر القصيـــــــــده ..
الاشتراك في:
تعليقات الرسالة
(
Atom
)
ليست هناك تعليقات :
إرسال تعليق