خاطرة نقطة تحول.. بقلم سها سامي

هو دة بالضبط نفس احساسي بالدنيا بتاخد الانسان بقلبه الطيب بسجيته بطيبته براحة باله وتلف بيه وتدور وتشكله علي كيفها وتغيره وتنحت فيه وتقسي عليه لحد ما تحوله لشخص تاني غريب عليه ..

نقطة تحول من قلب صافي وعقل فاضي من غير هموم ولا في باله اي حاجة عايش مرتاح ملك زمانه في وسط لعبه وبراءة طفولته بيغني نشيد حفظه في مدرستة ولما بيطلع في الفسحة بيجري ويلعب لحد ما يتعب ولما يجي وقت المرواح يغرح كتير يخرج يلاقي قدام مدرستة بايع واقف بعربيتة عليها حرنكش ودوم ولوليتا وترمس "ذكريات زمن جميل " و كل حاجة بتجيله لحد عنده ومين فينا وهو صغير مكنش متدلع ولا اية ة ؟؟ ويكبر ويكبر وايام تمر وتعدي وضحكته مع كل يوم بيعدي بتغرب وافتكر انها بسرعة هترجع تشرق تاني ويشوفها بعنيه ..

أما الايام اللي بتعدي بتاخد منك كل أمنية شايلها فقلبك عشان تطفي فيك الأمل انك تحاول تكون انسان ممكن فيوم يبقي محترم ..